ကိုလိုနီခေတ်အဆောက်အအုံများကို ဒို့အိမ်ဖောင်ဒေးရှင်းမှ ရှေးမူမပျက် ထိန်းသိမ်းပေးနေ
ရန်ကုန်မြို့ရှိ ရှေးဟောင်းကိုလိုနီခေတ်လက်ရာဖြစ်သော၊ နှစ်တစ်ရာကျော်သက်တမ်းရှိ နေအိမ်အဆောက်အဦဟောင်းများကို ဒို့အိမ်ဖောင်ဒေးရှင်းမှ ရှေးမူမပျက် မူလလက်ရာအတိုင်း ပြန်လည်ပြုပြင်ပေးနေကြောင်း သိရသည်။
“နေအိမ်ရဲ့ ရှေးမူမပျက်အောင် ထိန်းသိမ်းထားပြီး အင်တာနေရှင်နယ်အဆင့်မီ ပြန်လည်ပြုပြင်ဆောင်ရွက် ပေးနေတာ ဖြစ်ပါတယ်။ ၅ နှစ်စာချုပ်နဲ့ ပိုက်ဆံစိုက်ထုတ်ပြီး ပြင်ပေးတာဖြစ်ပြီး ပြုပြင်ဆောက်လုပ်ရေးမှ ရတဲ့ အကျိုးအမြတ်တစ်ခုကို နောက်ဖေးလမ်းကြားများ ပြန်လည်ပြုပြင်ခြင်းပရောဂျက်များတွင် ပါဝင်အသုံးပြုနေတာ ဖြစ်ပါတယ်”ဟု ဒို့အိမ်ဖောင်ဒေးရှင်၏ ဗိသုကာပညာရှင် ကိုထွန်းရဲဝေက ဇွန်လ ၄ ရက်က ပြောသည်။
